November 19, 2009

It has been my policy to put city first above self and above politics. Ako gapati nga nagdalagan ako kag ginbutang sa pwesto ka tawo indi bangud sa pinolitika o sa personal nga handum kundi para makaserbisyo sang tampad kag sincero sa tawo. Today, I ask you my family, closest friends and most ardent supporters to please have an open mind as I make my final political decision for the forthcoming elections public.

Una, gapasalamat gid ko sa Gino-o nga naghatag sang blessing sa akun nga makaserbisyo sa syudad sang Iloilo paagi sa mainit nga pagakomodar sa akun sang mga tagasyudad sang nagligad nga 2007 kag asta subong ara sa gihapon kag sa akun pamatyag, pagpati kag panulukan nagbaskog pa gid ang pagsuporta. Sa liwat, asta subong nga adlaw, wala untat ako gapasalamat sa inyo mga pumuluyo sang Syudad sang Iloilo sa pagsalig, kumpyansa kag suporta. The gratitude will always be present. Kung wala kamu, wala man si LEX Tupas sa pwesto. Kabalaslan ko ini sa inyo kag indi bangud sa kung sin-o man nga politiko or kung anu man nga partido. Ang pumuluyo sang syudad sang Iloilo ang akun partners kag kamu ang akun kapartido. Sang una, ginapustahan kita nga indi maging madinalag-on, ginagub-an, ginaubra ubrahan isturya, ginamulay kag ginapanubo pero apisar sina bangud sa inyo kag nagsalig ako sa pumuluyo sang Syudad nga indi madala, amu na kun ngaa ari na ako sa pwesto opisyal sa gobyerno nga makaserbisyo sa inyo. Pagkatapus sang eleksyon, si LEX Tupas amu kita sa gihapon mapaeleksyon man or indi, ang pagtrato ta sa tawo kag atun hulag wala gabag-o kag wala galain. Ang ginhambal ko gintuman ko. Amu na siguro bangud sang pagtinguha ta makapasar maayu nga mga legislative measures or ordinansa kag resolusyon pati pa pagubra sang mga special programs and projects kag dugang pa na ang consistent nga mga panindugan kag pagpakita sang inyo mabaskog nga tingog, amu na guro kun nga-a ginsturyahan nga pwede na kasaka sa mastaas taas nga pwesto si LEX Tupas. Nagumpisa sa kapehan, nagkadto sa kabaranggayan, naglibot sa distrito, ginaisturyahan sa media, sa pamalay kag bilog na nga Syudad sang Iloilo. Gusto ko gid klaruhon wala nagumpisa sa akun or sa mga kaupod ko ang ini nga isturya. Wala man planu si LEX Tupas magsaka sa pwesto sang una. Ang sa ulo ko ya serbisyo maayu kag pasalamatan ang tawo sa kumpyansa nga ginhatag sa akun sang 2007. Ang pamatyag ko daw bonus kag daku nga blessing na naman nga daw political twist of fate nga sa tawo naghalin kag tawo ang gahambal nga kaya na sang isa ka first termer kag pinakalamharun nga opisyal subong nga maging bise alkalde sang syudad sang Iloilo.

Ang matudtuod sadto nga mga tini-on abi ko daw ginakonsiderar lang kita asta sa wala naguntat kag nagbaskog ini nga tingog sang tawo nga pagpabalo sa akun nga may kumpyansa sila kay LEX Tupas. Kabalo ako nga ang pwesto sa gobyerno indi ang tag-iya sini ang gapungko nga politiko kundi ginpahulam lang ini sa amun sang tawo. Amu na kun nga-a bisan wala pa ko planu or wala pa gani ko gadeklarar or gahulag or gaorganizar, ginpamati-an ko ang tawo. Ang hambal ko kung anu ang gusto ka tawo, amu na ang akun pagasundon. Gapasalamat gid ako sa mga taw okay paagi sa various surveys conducted informal and formal, may 30-36% ka tawo sa Syudad nga apisar nga wala pa kita may ginaubra nga pagpakadto sa pagdalagan sa pagkabise alkalde nga gusto kita ang magapadalagan sa nasambit nga pwesto. We are actually in striking distance of a possible victory. It is very humbling to know that and I am overwhelmed by such an occurrence. I have done my listening tours and my consultations. I am overly ecstatic and emotional by the pledges of support for a possible LEX Tupas for a higher post candidacy.

Kung kaugalingon ko lang ginaisip ko kag may oportunidad nga ara sa atubangan ko, tani sadto pa ako nagdeklarar, tani ginkuwa ko na lang ang oportunidad kag wala na ginisip ang grupo or kung anu ang pinakamaayu para sa Syudad sang Iloilo. Wala galing ako ginpadako sang akun nanay kag tatay nga tanan nga oportunidad nga kwaun kundi magpili kag magisip man sa iban nga tawo, sa lugar ginaserbisyuhan kag sa pangkabilugan.

This was a very hard decision but a decision I had to make and it was made first week of November. With all humility, sincerity, honesty and love for the City, I am grateful to the people for your support and trust in me. Thank you for this opportunity but I already have come to a final decision. Indi ko gusto maguba ang grupo. Indi ko gusto nga bangud sa ambisyon o oportunidad nga basi ang handum namun nga makahatag pagbag-o sa Syudad maapektuhan. Pirmi ko ginahambal pagugyon or ugyon Iloilo kag ina gapatima-an nga gusto ko gabuligay, gaupdanay kag ayuhay. Even with a possible chance of victory for a higher post, kung may kilanglan magsakripisyo, kung may kilanglan magpa-iway, handa ako nga ubrahon ina para sa kaayuhan sang Syudad sang Iloilo. Ako ang mapaiway para sa pagbaskog sang grupo kag para sa paglab-ot sang handom nga pagbag-o, pagugyon kag kaayuhan sang Syudad sang Iloilo. Sa mga interisado magbise alkalde, tani tratuhon ninyo nga sagrado ang pwesto, kilanglan sang kinaalam, kaayu magdala sang konseho kag masaligan nga makasarang nga maging alkalde kung kinahanglan.

Sa akun pamilya, supporters, friends kag sa Syudad sang Iloilo, bata pa kita. Damu pa sa ulihi sang tsansa. Unahon ta ang syudad bag-o ang atun personal kag politikal nga interes. Indi kamu magkabalaka, kung anu si LEX Tupas sang una, amu ako sa gihapon kag tinguhaan ko masmaging maayu pa gid magserbisyo. Lexcellence is my policy in public service. Ang atun Master’s Degree in Public Management in Local Government Administration and ang atun recently naobtain nga Doctor of Management in Public Management Degree atun ini pagamiton sang maayu para sa pagpaayu pa gid sa akun serbisyo sa inyo kag indi ako da maguntat kundi masige pa gid ako training kag pagdevelop sang akun kaugalingon para maging excellent public servant ninyo. Indi man sekreto nga si Councilor LEX Tupas will settle down kag ako mangasawa na sa dali na lang nga tini-on kag magkapamilya nga akun sa ulihi. As my father said, a good public servant is a good family man. Masmakapahatag pa ini sa akun sang maayu nga eksperyensya nga magserbisyo pa gid sang maayu kag todo todo sa inyo. Rest assured Iloilo City nga pasigehun ko ang mga proyekto kag programa ko kag basi dugangan ko pa gid kag makapasa pa ta masdamu pa gid nga lokal nga layi para sa inyo kaayuhan. Manindugan ako sa kada Ilonggo. Maging kusog ninyo ako nga tagadampig labi na sa mga imul, kabataan, kababainhan kag katigulangan. Indi ta kamu pagpabay-an kag ara sa kamot ninyo kung ara man ta gihapon magapasige serbisyo sa inyo sa konseho sang Syudad sang Iloilo asta 2013. To those who support me and want me to go up the political ladder so that I could serve better, in a bigger and more influential capacity and in a more high impact manner, sometimes we have to let go of something so as to obtain something much bigger.

Salamat salamat gid sa suporta kag I hope you stand by me and stay with me as we hope, pray and wish for another chance to serve Iloilo City. Gapangayu gid ko sa pumuluyo nga mainitindihan ako kag gasalig ko nga maintindihan nila ang akun nga desisyon.